Site de Lanvéoc Commune de Roscanvel Accueil presquile-crozon.com Site d'Argol >
Portail
Votre internet avec Orange
Pratique
Tourisme
Autrefois
NetBretagne
  Accueil / Annuaire
  Annuaire Pro
  Infos locales
  Agenda
  Festivités
  Petites annonces
  Les services
  La météo
  Les associations
  Numéros d'urgence
  Accès presqu'ile
  Locations Vacances
  Galerie photos
  Découverte Nature
  Histoire
  Images du passé
  Cartes postales
  Hier - Aujourd'hui
  Contacts
  Les Tarifs
  Votre bannière de Pub
  Emails gratuits
Rechercher
sur le site avec

Rechercher avec Google
NetBretagne est partenaire Orange
Rechercher Ecrire à presquile-crozon.com Musique Jeux Liens Forum Faq Gérez vos mails
Histoire
- Rémission pour Danyel Letuteur,
marynier, de la paroisse de Roscanvel, le 22.03.1530 -
 
[1] Francois, etc, savoir faisons a tous presens et a venir, nous
[2] avoir receu l'humble supplicacion et requeste des parens et amys de
[3] notre pouvre subgect Danyel Letuteur, marinnier, de la paroisse
[4] de Roscanvel, en l'evesché de Cornouaille, Contenant que en
[5] la fin du moys de janvier, a ung jour que ledit Danyel
[6] estoit emboité de vin, se trouva ou bourg parrochal de
[7] Camaree, oudit evesché de Cornouaille, et ainsi qu'il
[8] passoit au devant de la maison de Charles Evreault
[9] estant oudit bourg, apperceut pres l'estal de ladite maison
[10] et au dehors dicelle pluseurs gens a luy incongneutz
[11] qui estoint illecq a boyre vin ausquelz ledit Danyel
[12] demanda dont ilz estoint. En l'endroit de quoy,
[13] l'un de ceulx quel celuy Danyel a dempuix ouy nommer
[14] Yvon Rinal qui avoit ung voyre en la main ouquel
[15] avoit du vin, respondit qu'ilz estoint a leur escot, luy
[16] demandant de quoy il se mesloit avecques eulx
[17] et qu'ilz n'avoint que fere avecques luy. De laquelle
[18] responce, ledit Danyel irrité et desput poussa et frappa
[19] de ses mains ledit Rinal a la poitrine. A raison de quoy
[20] celuy Rinal lors cheust et tomba a revers sur le
[21] pavé et sur ce ledit Danyel se departit dillecques
[22] et bientost apres retourna pres ledit lieu esperant
[23] requerir pardon audit Rinal et demanda aux
[24] assistans illecques estans ou estoit son homme,
[25] entendant parler dudit Rinal. Et pourtant que
[26] l'un de ceulx que luy disoit estre compaignon ou
[27] maistre du navire dont estoit ledit Rinal qui
[28] estoint ainsi a boyre en la compaignie dudit Rinal,
[29] dist audit Danyel que celuy Rinal estoit mal
[30] trecté et lequel s'avancoyt le voulloir
[31] prandre ledit Danyel Letuteur, cryant a la force
[32] sur luy, celuy Danyel le print aux cheveulx
[33] sans ce qu'il y eust eu aultre chose entreulx.
[34] Et ci faict, ledit Rinal print chemyn a s'en aller
[35] au port et havre dudit Cameret et illecq entra en
[36] ung petit basteau et fut par ceulx estans en
[37] iceluy mené et mys dedans en ung navire

[38] duquel depuix celuy Danyel a ouyr dire
[39] que ledit Rinal estoit l'un des compaignons et mariniers
[40] et que envyron quatre jours apres ledit Rinal
[41] alla de vie a trespas. Et doubtant ledit Daniel
[42] que a cause de ce et notre justice dessur les lieulx
[43] eust voullu vers luy proceder a rigueur
[44] de justice, s'est absenté et rendu fugitif. Si nous ont
[45] lesdits supplians remonstré que ledit Daniel est pouvre
[46] marinier, chargé de femme et enfens et qui, auparavant
[47] ledit cas avenu par fortune inoppiné, estoit
[48] bien vivant et de bon rest et gouvernement et
[49] n'avoit auparavant jamais eu hayne ne inimitié
[50] allencontre dudit Rinal duquel, comme dict
[51] est, il n'avoit congnoissance. Nous supplians et
[52] requerans a tout ce que dessurs avoir esgard
[53] et dudit cas impartir audit Danyel noz lettres de
[54] grace, remission et pardon, tres humblement le nous
[55] requerans. Et pourquoy nous, lesdites choses
[56] considerons, voullans, etc, la veriffication
[57] a la court de Keremper-Corentin.


Copyright © 2000- 2019 - Site réalisé par NetBretagne
Tél. 02-98-27-75-47 ou 06-66-61-36-72,